Цвяток радзімы - васілёк
15.07.2022Шырока вядомыя радкі верша Максіма Багдановіча “Слуцкія ткачыхі”:
“Цямнее край зубчаты бора…
І тчэ, забыўшыся, рука
Заміж персіцкага ўзора
Цвяток радзімы – васілька.”
Сапраўды, васілёк або валошка здаўна быў адным з сімвалаў сінявокай Беларусі. Мы бачым яго і ў буйным жыце, і сярод палявых красак, ягоную выяву народныя мастакі з задавальненнем пераносяць на свае вырабы. А ў гэтыя дні сінія кветкі сустракаем паўсюль нават у горадзе. Бо васілёк стаў яшчэ сімвалам фестывалю мастацтваў “Славянскі базар у Віцебску”. Дарэчы, васілёк быў улюбёнай кветкай Марка Шагала. Выхаванцы нашай групы таксама натхніліся сіне-блакітнымі пялёсткамі і зрабілі самастойныя мастацкія творы. Калі глядзіш на іх, на памяць прыходзяць і вершаваныя радкі Эдзі Агняцвет:
Зямля з блакітнымі вачамі –
Раздолле рэчак і лугоў!
Тут называюць Васількамі
На Беларусі хлапчукоў.
На жаль ні воднага Васілька ў нашай групе няма. Але гэта не перашкаджае нашым дзеткам быць сапраўднымі маленькімі беларусамі, любіць сваю Радзіму, захапляцца яе прыродай і сябраваць з фарбамі ды пэндзлем.
КАСМІЧНЫ ВАСІЛЁК Маша Міхайлава, 6 год.
КВЕТКАВЫЯ МАТЫВЫ Паша Сямёнаў, 6 год
НАТХНЕННЕ Насця Сініцына, 7 год.
РАСКВЕЦІМ НЕБА ВАСІЛЬКАМІ Тамерлан Гадзіраў і Уладана Лемеш
ХЛОПЧЫК ВАСІЛЁК Саша Мацкевіч
ХЛОПЧЫК ВАСІЛЁК Уладана Лемеш
Брошка ВАСІЛЁК Лапаціна Дана